នាព្រឹកថ្ងៃទី២៨ ខែកញ្ញា ឆ្នាំ២០២៣ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និង ជាសមាជិកាព្រឹទ្ធសភាប្រចាំភូមិភាគទី៨ បានអញ្ជើញចុះជួបសំណេះសំណាល និងសួរសុខទុក្ខជាមួយក្រុមប្រឹក្សាឃុំ ស្មៀនឃុំ នាយប៉ុស្តិ៍ ប្រធានភូមិ អនុប្រធានភូមិ និងសមាជិកភូមិសរុបចំនួន៥៤នាក់ ក្នុងឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។ ក្រោយពីបានស្ដាប់របាយការណ៍លោកប្រធានក្រុមប្រឹក្សាឃុំរាយការណ៍រួចមក លោកជំទាវបានថ្លែងនូវការកោតសរសើរ និងអរគុណដល់ការខិតខំប្រឹងប្រែងបម្រើប្រជាពលរដ្ឋអស់ពីកម្លាំងកាយចិត្តដោយភាពទទួលខុសត្រូវខ្ពស់នូវរាល់ការផ្ដល់សេវាសាធារណៈ ទាំងសេវាតម្រូវការ និងសេវាសំណូមពរនានា ជាពិសេសភូមិឃុំមានសុវត្ថិភាព។ លោកជំទាវបានលើកទឹកចិត្តដល់សមាជិកទាំងអស់ត្រូវបន្តដោះស្រាយរាល់បញ្ហាដែលនៅសេសសល់ ដែលជាសំណូមពររបស់ប្រជាពលរដ្ឋ និងសូមឱ្យយកចិត្តទុកដាក់ខ្ពស់ចំពោះប្រជាពលរដ្ឋដែលរងគ្រោះដោយទឹកជំនន់។ ជាកិច្ចបញ្ចប់ លោកជំទាវបានជូនក្រមាចំនួយ៥៤ក្រមា និងថវិកាមួយចំនួនដល់លោកប្រធានក្រុមប្រឹក្សាឃុំ ស្ថិតនៅសាលាឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។